Umwarimu w'imyaka 50 wo muri Nyanza TSS yakatiwe igifungo cy'imyaka 10 nyuma yo guhamwa n’icyaha cyo gusambanya abana babiri b'abakobwabacuruzaga ibiraha.



Urukiko Rwisumbuye rwa Huye rwahamije icyaha umwarimu wo mu kigo cya Nyanza TSS, Thomas Ntivuguruzwa w’imyaka 50, ukurikiranyweho gusambanya abakobwa babiri bakiri bato, rukamukatira igifungo cy’imyaka 10.

Uyu mwarimu wigishaga mu ishuri rya Nyanza TSS (yari yamenyekanye nka ETO Gitarama) riherereye mu Murenge wa Kigoma, akurikiranyweho ibikorwa byabaye ku mugoroba wo ku wa 30 Werurwe 2024.

Uko byatangijwe

Ubushinjacyaha bwerekanye ko ku mugoroba w’iryo joro, Thomas yahuriye mu gasantire ka Butansinda n’abakobwa babiri bafite imyaka 15 na 17, basanzwe bacuruza ibiraha. Uregwa yabajyanye iwe abizeza ko agiye kubagurira ibyo bari bacuruza. Bakigera mu rugo, harimo kubaha ibyo kurya no kubasaba kurara aho, aho gutaha nk’uko bari babyifuje.

Bukeye mu gitondo, abana bavuze ko bari bakingiranywe mu nzu, bityo bavuza induru. Umukozi ushinzwe isuku mu nzu y’abarezi ni we wabakinguriye, ahita abimenyesha ubuyobozi bw’ishuri n’inzego z’umutekano.

Uko ubushinjacyaha bwabigaragarije urukiko

Ubushinjacyaha bwashimangiye ko abana basambanyijwe mu ijoro bararanye n’uregwa mu nzu ye. Bwashingiye:

  • ku buhamya bw’umukozi wabonye Thomas atahanye n’abo bana,

  • ku batangabuhamya bababonye binjira muri iyo nzu,

  • ndetse no kuri raporo y’abahanga (RFI) yagaragaje ibimenyetso byasanzwe ku myambaro no ku mubiri w’umwe mu bana, birimo ibisa n’amasohoro, harimo n’ivangika rya DNA y’umugabo n’umugore.

Ibyo byose byatanzwe nk’ibimenyetso bigaragaza ko abana baraye mu nzu ya Thomas, kandi ari we wenyine wari uhari muri iryo joro.

Ubushinjacyaha bwari bwamusabiye gufungwa imyaka 25.

Uko Thomas yisobanuye

Thomas yahakanye ibyaha byose. Yavuze ko ku munsi byavugiweho yari yavuye gusura inshuti, agaruka agasanga abana bicaye mu nzu ye bari kumwe n’umukozi umufasha mu mirimo. Avuga ko kubera imvura, yabarekeye barara mu nzu, kandi bukeye yahaye umukozi urufunguzo ngo abakingurire batashye.

Yemera ko abana baraye iwe, ariko akavuga ko atigeze amenya impamvu bahageze cyangwa ibyo bagamije.

Icyo urukiko rwashingiyeho mu gufata umwanzuro

Urukiko rwasuzumye:

  • Ubu hamya bw’umukozi wavuze ko Thomas yabazanye,

  • Ubutangabuhamya bw’ababonye abana binjira mu rugo,

  • Raporo y’abahanga yemeje ko ibimenyetso byasangijwe ku mwana bigaragaza ko hari habayeho imibonano mpuzabitsina.

Urukiko rwanzuye ko Thomas, nk’umuntu mukuru kandi umurezi, yagombaga kumenya impamvu abana bari mu rugo rwe, ndetse akamenyesha ubuyobozi cyangwa undi muntu wo kubacumbikira, cyane ko atari asanzwe afitanye isano na bo.

Rwashimangiye ko ibyo byose bihuriza ku kuba yarashatse kubasambanya, bityo icyaha kimuhama.

Icyemezo cy’urukiko

Nubwo ubushinjacyaha bwamusabiraga imyaka 25, urukiko rwasanze Thomas nta yindi dosiye yigeze ahamwa na yo mbere, bityo rwemera kumugabanyiriza igihano.

Urukiko rwamukatiye:

  • Igifungo cy’imyaka 10,

  • Arasonewe amafaranga y’amezi kubera ko aburana afunzwe.

Thomas Ntivuguruzwa afite uburenganzira bwo kujurira iki cyemezo mu gihe atanyuzwe n’imyanzuro y’urukiko.

source.Umuseke,tv10

Comments

Post a Comment

Popular posts from this blog

Amwe mu mateka ya Nyabingi,izina ryamenyekanye cyane mu mateka y'u Rwanda.

Image
Iyi ni imwe mu ngoro za Nyabingi zikiriho.   Mu mateka y’u Rwanda havugwamo amazina menshi  mu buryo butandukanye, ariko izina rya Nyabingi riruta menshi mu kumenyekana n’inkuru zigenda zivugwaho. N’ubwo uyu murimo wagiye uzwi cyane mu migenzo yo guterekera, amateka agaragaza ko izina rye ry’ukuri mu Kinyarwanda ari Nyabyinshi , riboneye ryerekana “ufite ubutunzi cyangwa umugisha mwinshi”. Amateka y’uyu mukobwa akomeza kuvuga ko yavukanye na Ruganzu II Ndoli , bombi bana ba Ndahiro II Cyamatare , mu gihe cy’uduce tw’icyami twari tukiganje. Umwaka nyawo w’igihe batangiye kubaho ntuzwi neza, ariko ibisekuru byagiye byandika amateka byemeza ko yabayeho hagati y’imyaka yo hambere, mu bihe byo hagati ya 1600 na 1800. Uko izina Nyabingi ryamamaye Bivugwa ko ababyeyi ba Nyabingi ari bo bamwise izina rye ry’ukuri, ariko uko imyaka yagiye ihita rikomera ku buryo rihuzwa n’ubutunzi, umugisha n’imbaraga zidasanzwe. Abaturage bo mu gace ka Ndorwa bamubonagamo umuntu w’igitangaza, bit...
Read more

Rulindo: Umunsi Mpuzamahanga Wahariwe Mwarimu ku rwego rw'Akarere Wizihirijwe mu Murenge wa Buyoga.

Image
Mu Karere ka Rulindo , kuri uyu wa 12/12/2025 kimwe n'ahandi hose mu gihugu,  Umunsi Mpuzamahanga wahariwe Umwarimu , wizihirijwe ku runge rw'amashuri rwa  GS Muyanza mu Murenge wa Buyoga , ari nawo wazihije uyu munsi mu rwego rwo hejuru kubera gutunganya neza ibikorwa by’uyu mwaka mu byiciro bitandukanye. Umushyitsi mukuru wari witabiriye ibi birori ni MUKANYIRIGIRA Judith , Umuyobozi w’Akarere ka Rulindo. Hari kandi abashinzwe uburezi ku rwego rw’Akarere n’Imirenge, umuyobozi mukuru wa Polisi ukorera muri Buyoga, abayobozi b’ibigo by’amashuri hamwe n’ababungirije, abahagarariye imiryango itegamiye kuri Leta, ndetse n’abarimu bo mu Murenge wa Buyoga bari baje kwizihiza umunsi wabo. Umukino wahuje w'intoki wahuje abarimu hagati yabo. Ibirori byatangijwe n’umukino w’intoki wahuje abarimu, ugamije kubashimisha no kubafasha kurushaho kwegerana. Insanganyamatsiko y’uyu mwaka Insanganyamatsiko y’uyu mwaka iragira iti: “Umwuga w'Uburezi Usaba Ubufatanye.” Abatanze ubutu...
Read more

REB Announcement on English Language Training Program for School Leaders and Teachers.

Image
  The Rwanda Basic Education Board has released an announcement aimed at encouraging school leaders and teachers to participate in a new training program focused on strengthening English language skills and communication methods in their daily work. This training program aims to help education professionals improve their use of the English language, especially in teaching and school management. As is commonly emphasized in the education sector, the language used in delivering lessons plays a key role in clearly conveying knowledge to students. Purpose of the Training As Rwanda continues to strengthen quality education, improving English language skills among teachers and school leaders is considered an important step. This helps teachers deliver lessons more clearly, enabling students to acquire quality knowledge that meets international standards. The training will mainly focus on improving communication in English, helping teachers gain confidence in using the language in...
Read more