Burikantu yatawe muri yombi akekwaho gufungirana abakobwa babiri mu nzu iwe.
.jpeg)
Mwitende Abdoulkarim, uzwi cyane ku mbuga nkoranyambaga nka Burikantu, yatawe muri yombi n’Urwego rw’Igihugu rw’Ubugenzacyaha (RIB) nyuma yo gukekwaho icyaha cyo gufungirana abantu mu nzu ye ku ngufu, ibintu byabaye inkuru ivugwa cyane mu itangazamakuru no kuri murandasi. Amakuru yizewe yemeza ko ku munsi wo ku wa Gatandatu tariki 20 Nyakanga, Burikantu yari yatumije itsinda ry’abakobwa mu rugo rwe ruherereye mu Mudugudu wa Binunga, Akagari ka Murama, Umurenge wa Kinyinya, mu Karere ka Gasabo, abizeza ko bagiye kubafasha gukwirakwiza ibiganiro byabo ku mbuga nkoranyambaga no kubaha inama z'uko bakwiteza imbere mu itangazamakuru rishingiye kuri internet. Nyuma yo kugera iwe, bivugwa ko umwe mu bakobwa yasabwe kuza mu cyumba cy’uyu musore ngo baganire ku buryo bwimbitse kuri gahunda ye. Uwo mukobwa abyanze, ibintu byahise bikurura umwuka mubi. Icyakurikiyeho ni uko Burikantu yafashe icyemezo cyo gufungirana aba bakobwa bose mu nzu, ababuza gusohoka atabanje kubishyuzwa amafaranga a...