Updates:NESA yatangaje igihe cyo gushyira amanota y'igihembwe cya kabiri muri CAMIS
Urwego rushinzwe ibizamini bya Leta no kugenzura amashuri mu Rwanda National Examination and School Inspection Authority (NESA) rwatangaje gahunda nshya igamije gutegura neza irangira ry’igihembwe cya kabiri cy’umwaka w’amashuri wa 2025/2026, harimo n’ikorwa ryo kwandika amanota y’abanyeshuri muri sisiteme ya CAMIS. Mu itangazo ryashyizwe ahagaragara ku wa 16 Werurwe 2026, NESA yatangaje ko igihe cyo kwinjiza amanota y’ibizamini by’igihembwe cya kabiri muri CAMIS kizatangira ku wa Kabiri tariki ya 17 Werurwe 2026. Iri tangazo ryagejejwe ku bayobozi b’uturere bose mu gihugu, basabwa kurigeza ku mashuri yose ari mu turere bayobora kugira ngo hatangire imyiteguro ihagije mbere y’uko igihe cyo kwandika amanota gitangira. Hashingiwe ku ngengabihe y’umwaka w’amashuri yashyizweho na Ministry of Education Rwanda , igihembwe cya kabiri cyatangiye tariki ya 05 Mutarama 2026 kikazasoza tariki ya 03 Mata 2026. NESA yasabye abayobozi b’amashuri yose ya Leta, afashwa na Leta ndetse...