REB yasoje amahugurwa y’abayobozi b'ibigo by’amashuri abanza n’ayisumbuye bahagarariye abandi ku rwego rwa buri Murenge.
.png)
Kuri uyu wa kane taliki ya 7/11/2025, Umuyobozi Mukuru w’Ikigo cy’Igihugu Gishinzwe Uburezi (REB), Dr. Mbarushimana Nelson , yasojeye amahugurwa abahagarariye abayobozi b’amashuri abanza n’ayisumbuye ku rwego rw’Imirenge yose y’igihugu. Aya mahugurwa yari agamije kongerera ubumenyi abayobozi b’amashuri ku myigishirize inoze y’amateka y’u Rwanda , akaba yabereye mu Kigo cy’Ubutore cya Nkumba , mu Karere ka Burera . Mu ijambo rye risoza aya mahugurwa, Dr. Mbarushimana yashimye uruhare rw’abayobozi b’amashuri mu guteza imbere ireme ry’uburezi, anabibutsa ko kubaka umwarimu n’umuyobozi ufite indangagaciro nyarwanda ari kimwe mu ntego nyamukuru za REB. Yavuze ko kwigisha amateka y’u Rwanda bitagomba kugarukira ku masomo mu ishuri gusa, ahubwo bikwiye no kugaragarira mu bikorwa by’abanyeshuri n’imyitwarire yabo ya buri munsi.Yagize ati:“Amateka y’u Rwanda ni isoko y’ubumwe n’ubutore bwacu. Kuyigisha neza ni ugufasha urubyiruko kumenya aho ruvuye, kugira ishema n’urukundo rw’igihugu, ndetse...