Rulindo-Buyoga-GS Gitumba:Ubuyobozi bw'ishuri n’abarimu mu byishimo bikomeye nyuma yo gushimirwa n’Akarere nk’ikigo cyitwaye neza mu bizamini bya Leta



Mu kigo cy’amashuri abanza n’ayisumbuye cya GS Gitumba, giherereye mu Murenge wa Buyoga, Akarere ka Rulindo, Intara y’Amajyaruguru,kuri uyu wa 13/10/2025 habereye umuhango ukomeye wo gushimira no guha impamyabushobozi (Certificate) icyo kigo nk'ikitwaye neza  neza mu bizamini bya Leta by’umwaka w’amashuri 2024–2025, mu byiciro byose birimo P6, S3 na S6.

Iki gikorwa cyateguwe n’Akarere ka Rulindo kigamije gushimira no guha agaciro ubwitange n’imbaraga byashyizwe mu bikorwa n’abarezi, abayobozi b’ibigo ndetse n’abanyeshuri kugira ngo batsinde ku rwego rwo hejuru.

Mu bigo byagiye bigaragara ku isonga mu mitsindire, GS Gitumba iza ku isonga mu bigo byabaye indashyikirwa  mu bizamini bya Leta. By’umwihariko, iki kigo nicyo cyagize umunyeshuri waje ku isonga mu Karere ka Rulindo mu bizamini bya Leta byo mu mwaka w’amashuri wa 2024–2025, ari we Musemakweri Samuel, wahawe igihembo cya mudasobwa nk’ikimenyetso cy’ishimwe ku ntsinzi ye idasanzwe.

MUSEMAKWERI Samuel  hagati afite imashini,i buryo Umuyobozi w'ishuri rya GS GITUMBA i bumoso MUKANYIRIGIRA Judith Mayor w'Akarere ka Rulindo.

Umuhango wo gushyikiriza iyo impamyabushobozi wayobowe n’Umugenzuzi w’Uburezi w’Umurenge wa Buyoga, Bwana Habimana Jean de Dieu, washyikirije ubuyobozi bwa GS Gitumba ndetse n'abarimu muri rusange. Mu ijambo rye, yashimiye cyane ubuyobozi bw’ishuri, ndetse n'abarimu  ku muhate n’ubwitange bagaragaje, abibutsa ko intsinzi ari intangiriro y’urugendo rurerure, abasaba gukomeza umurongo mwiza w’akazi no kudasubira inyuma.Ygize ati:

“Ibi ni ibigaragaza ko mwashyizeho umwete n’imbaraga. Ariko urugendo ntirurangira; iyi ntsinzi ikomeze kubabera imbarutso yo gukora cyane kurushaho, kugira ngo GS Gitumba izahore ku isonga no mu myaka iri imbere,”
Habimana Jean de Dieu, Umugenzuzi w’Uburezi mu Murenge wa Buyoga.

 

                                  

Umugenzuzi w'uburezi mu Murenge wa Buyoga arimo HABIMANA Jean de Dieu arimo yereka
abarimu certificate y'imitsindire
Abarimu ba GS Gitumba na bo bagaragaje ibyishimo n’amarangamutima by’umwihariko, bashimira ubuyobozi bw’ikigo uburyo bubafasha kugera ku ntego zabo, ndetse babizeza ko bazakomeza kurangwa n’umurava n’ubwitange mu rwego rwo gukomeza guharanira umusaruro mwiza.

Umugenzuzi w'uburezi mu Murenge wa Buyoga hagati y'abarimu babiri bafite certificates

Umuyobozi wa GS Gitumba yashimiye cyane abarimu n’abanyeshuri ku mbaraga bashyize mu myigire no mu myigishirize, ndetse anashimira inzego z’uburezi ziri hejuru zidasiba kubashyigikira. Yagize ati:

“Ibi twagezeho ni igihamya cy’uko dushobora byinshi iyo dushyize hamwe. Ndashimira buri mwarimu, buri munyeshuri ndetse n’inzego zose zidushyigikira. Ndabasaba gukomeza uyu murongo kugira ngo GS Gitumba ihore ku isonga.”

Nyuma y’ijambo ry’ubuyobozi w'icyo kigo, habayeho gufata ifoto y’urwibutso n’abarimu n'ubuyobozi nk’ikimenyetso cy’uyu munsi w’amateka ku kigo cya GS Gitumba.


                                Umuyobozi w'ishuri rya GS GITUMBA aganira n'Abarimu.

Uyu muhango waranzwe n'ibyishimo wasigiye ubuyobozi n'abarezi  icyizere n’imbaraga zo gukomeza gukora neza kugira ngo barusheho kwegukana intsinzi no guteza imbere ireme ry’uburezi mu Karere ka Rulindo no mu gihugu muri rusange.

Comments

Post a Comment

Popular posts from this blog

Amwe mu mateka ya Nyabingi,izina ryamenyekanye cyane mu mateka y'u Rwanda.

Image
Iyi ni imwe mu ngoro za Nyabingi zikiriho.   Mu mateka y’u Rwanda havugwamo amazina menshi  mu buryo butandukanye, ariko izina rya Nyabingi riruta menshi mu kumenyekana n’inkuru zigenda zivugwaho. N’ubwo uyu murimo wagiye uzwi cyane mu migenzo yo guterekera, amateka agaragaza ko izina rye ry’ukuri mu Kinyarwanda ari Nyabyinshi , riboneye ryerekana “ufite ubutunzi cyangwa umugisha mwinshi”. Amateka y’uyu mukobwa akomeza kuvuga ko yavukanye na Ruganzu II Ndoli , bombi bana ba Ndahiro II Cyamatare , mu gihe cy’uduce tw’icyami twari tukiganje. Umwaka nyawo w’igihe batangiye kubaho ntuzwi neza, ariko ibisekuru byagiye byandika amateka byemeza ko yabayeho hagati y’imyaka yo hambere, mu bihe byo hagati ya 1600 na 1800. Uko izina Nyabingi ryamamaye Bivugwa ko ababyeyi ba Nyabingi ari bo bamwise izina rye ry’ukuri, ariko uko imyaka yagiye ihita rikomera ku buryo rihuzwa n’ubutunzi, umugisha n’imbaraga zidasanzwe. Abaturage bo mu gace ka Ndorwa bamubonagamo umuntu w’igitangaza, bit...
Read more

Rulindo: Umunsi Mpuzamahanga Wahariwe Mwarimu ku rwego rw'Akarere Wizihirijwe mu Murenge wa Buyoga.

Image
Mu Karere ka Rulindo , kuri uyu wa 12/12/2025 kimwe n'ahandi hose mu gihugu,  Umunsi Mpuzamahanga wahariwe Umwarimu , wizihirijwe ku runge rw'amashuri rwa  GS Muyanza mu Murenge wa Buyoga , ari nawo wazihije uyu munsi mu rwego rwo hejuru kubera gutunganya neza ibikorwa by’uyu mwaka mu byiciro bitandukanye. Umushyitsi mukuru wari witabiriye ibi birori ni MUKANYIRIGIRA Judith , Umuyobozi w’Akarere ka Rulindo. Hari kandi abashinzwe uburezi ku rwego rw’Akarere n’Imirenge, umuyobozi mukuru wa Polisi ukorera muri Buyoga, abayobozi b’ibigo by’amashuri hamwe n’ababungirije, abahagarariye imiryango itegamiye kuri Leta, ndetse n’abarimu bo mu Murenge wa Buyoga bari baje kwizihiza umunsi wabo. Umukino wahuje w'intoki wahuje abarimu hagati yabo. Ibirori byatangijwe n’umukino w’intoki wahuje abarimu, ugamije kubashimisha no kubafasha kurushaho kwegerana. Insanganyamatsiko y’uyu mwaka Insanganyamatsiko y’uyu mwaka iragira iti: “Umwuga w'Uburezi Usaba Ubufatanye.” Abatanze ubutu...
Read more

REB Announcement on English Language Training Program for School Leaders and Teachers.

Image
  The Rwanda Basic Education Board has released an announcement aimed at encouraging school leaders and teachers to participate in a new training program focused on strengthening English language skills and communication methods in their daily work. This training program aims to help education professionals improve their use of the English language, especially in teaching and school management. As is commonly emphasized in the education sector, the language used in delivering lessons plays a key role in clearly conveying knowledge to students. Purpose of the Training As Rwanda continues to strengthen quality education, improving English language skills among teachers and school leaders is considered an important step. This helps teachers deliver lessons more clearly, enabling students to acquire quality knowledge that meets international standards. The training will mainly focus on improving communication in English, helping teachers gain confidence in using the language in...
Read more