Nyagatare: MANIREMA Fabien Umwalimu w’imyaka 34 wo ku ishuri rya Humure Umurenge wa Musheri yitabye Imana akubiswe n’urutsinga rw'umuriro w'amashanyarazi mu ijoro ryo ku wa gatatu tariki ya 23/10/2025.

 


Inkuru y’inshamugongo yaturutse mu Murenge wa Musheri, Akarere ka Nyagatare, aho MANIREMA Fabien, umwalimu w’imyaka 34 wigishaga mu ishuri ribanza rya Humure, yitabye Imana akubiswe n’umuriro w’amashanyarazi ubwo yari agiye kuvoma amazi mu kigega.

Amakuru yemejwe n’abaturage bo mu gace yabereyemo, avuga ko byabaye mu masaha ya sambiri z’ijoro ubwo imvura yari imaze guhita. Uwo mwalimu ngo yari agiye kuvoma amazi nk’uko bisanzwe, maze urutsinga rw’amashanyarazi rwari rwarashishutse rurekurwa n’amazi rumukubita, ahita agwa hasi.

Abaturanyi ndetse n’abana be ngo bahise batabaza, abaje gutabara basanga Manirema aryamye mu byondo, atakibasha kuvuga. Bahise bamujyana kwa muganga, ariko agezeyo yahise yitaba Imana.

Abamukundaga bababajwe n’urupfu rwe

Nk’uko bitangazwa na Nkusi Bernard, Umuyobozi w’ishuri rya Humure aho nyakwigendera yakoraga, ngo urupfu rwe rwababaje cyane ubuyobozi n’abarezi bagenzi be.

“Yari umwarimu w’intangarugero mu kazi ke, agakunda abana bigana, kandi agakora neza ibyo ashinzwe. Ni igihombo gikomeye ku ishuri no ku muryango mugari w’abarezi,”

Ubuyobozi bw’umurenge bwibukije abaturage kwitwararika ku bikoresho by’amashanyarazi

NDAMAGE Andrew, Umunyamabanga Nshingwabikorwa w’Umurenge wa Musheri, yemeje aya makuru anashishikariza abaturage kugira umuco wo gukoresha ibikoresho by’amashanyarazi byujuje ubuziranenge, ndetse no kwirinda kubyikorera igihe habonetse ibyangiritse.

“Ni iby’ingenzi ko buri muturage amenya ko gukoresha amashanyarazi bisaba ubumenyi. Ntawe ukwiye gukora ku nsinga cyangwa ku bikoresho byangiritse adafite ubumenyi, ahubwo agomba guhamagara inzobere,” 

Umurambo wa Manirema Fabien wajyanywe iwabo mu Murenge wa Mimuri, aho yashyinguwe kuri uyu wa Kane mu cyubahiro. Yari asize abana babiri n’umugore, nyuma y’imyaka yari amaze akorera uburezi mu Murenge wa Musheri.

Urupfu rwe rwasigiye agahinda gakomeye abo bakoranaga, abaturanyi ndetse n’ababyeyi b’abana yigishaga, bavuga ko bazahora bamutekereza nk’umwarimu wakundaga umurimo we, ugakora ibiruta ibyo ashinzwe.

Comments

Post a Comment

Popular posts from this blog

Amwe mu mateka ya Nyabingi,izina ryamenyekanye cyane mu mateka y'u Rwanda.

Image
Iyi ni imwe mu ngoro za Nyabingi zikiriho.   Mu mateka y’u Rwanda havugwamo amazina menshi  mu buryo butandukanye, ariko izina rya Nyabingi riruta menshi mu kumenyekana n’inkuru zigenda zivugwaho. N’ubwo uyu murimo wagiye uzwi cyane mu migenzo yo guterekera, amateka agaragaza ko izina rye ry’ukuri mu Kinyarwanda ari Nyabyinshi , riboneye ryerekana “ufite ubutunzi cyangwa umugisha mwinshi”. Amateka y’uyu mukobwa akomeza kuvuga ko yavukanye na Ruganzu II Ndoli , bombi bana ba Ndahiro II Cyamatare , mu gihe cy’uduce tw’icyami twari tukiganje. Umwaka nyawo w’igihe batangiye kubaho ntuzwi neza, ariko ibisekuru byagiye byandika amateka byemeza ko yabayeho hagati y’imyaka yo hambere, mu bihe byo hagati ya 1600 na 1800. Uko izina Nyabingi ryamamaye Bivugwa ko ababyeyi ba Nyabingi ari bo bamwise izina rye ry’ukuri, ariko uko imyaka yagiye ihita rikomera ku buryo rihuzwa n’ubutunzi, umugisha n’imbaraga zidasanzwe. Abaturage bo mu gace ka Ndorwa bamubonagamo umuntu w’igitangaza, bit...
Read more

Rulindo: Umunsi Mpuzamahanga Wahariwe Mwarimu ku rwego rw'Akarere Wizihirijwe mu Murenge wa Buyoga.

Image
Mu Karere ka Rulindo , kuri uyu wa 12/12/2025 kimwe n'ahandi hose mu gihugu,  Umunsi Mpuzamahanga wahariwe Umwarimu , wizihirijwe ku runge rw'amashuri rwa  GS Muyanza mu Murenge wa Buyoga , ari nawo wazihije uyu munsi mu rwego rwo hejuru kubera gutunganya neza ibikorwa by’uyu mwaka mu byiciro bitandukanye. Umushyitsi mukuru wari witabiriye ibi birori ni MUKANYIRIGIRA Judith , Umuyobozi w’Akarere ka Rulindo. Hari kandi abashinzwe uburezi ku rwego rw’Akarere n’Imirenge, umuyobozi mukuru wa Polisi ukorera muri Buyoga, abayobozi b’ibigo by’amashuri hamwe n’ababungirije, abahagarariye imiryango itegamiye kuri Leta, ndetse n’abarimu bo mu Murenge wa Buyoga bari baje kwizihiza umunsi wabo. Umukino wahuje w'intoki wahuje abarimu hagati yabo. Ibirori byatangijwe n’umukino w’intoki wahuje abarimu, ugamije kubashimisha no kubafasha kurushaho kwegerana. Insanganyamatsiko y’uyu mwaka Insanganyamatsiko y’uyu mwaka iragira iti: “Umwuga w'Uburezi Usaba Ubufatanye.” Abatanze ubutu...
Read more

REB Announcement on English Language Training Program for School Leaders and Teachers.

Image
  The Rwanda Basic Education Board has released an announcement aimed at encouraging school leaders and teachers to participate in a new training program focused on strengthening English language skills and communication methods in their daily work. This training program aims to help education professionals improve their use of the English language, especially in teaching and school management. As is commonly emphasized in the education sector, the language used in delivering lessons plays a key role in clearly conveying knowledge to students. Purpose of the Training As Rwanda continues to strengthen quality education, improving English language skills among teachers and school leaders is considered an important step. This helps teachers deliver lessons more clearly, enabling students to acquire quality knowledge that meets international standards. The training will mainly focus on improving communication in English, helping teachers gain confidence in using the language in...
Read more