GASOGI UNITED FC kuri uyu wa mbere taliki ya 15/10/2025 yasuye inaremera imwe mu miryango ituye mu murenge wa Gikomero mu karere ka Gasabo

Kuri uyu wa mbere tariki ya 15 Ukwakira 2025, ikipe ya GASOGI UNITED FC yakoze igikorwa cy’urukundo cyabereye mu murenge wa Gikomero, mu karere ka Gasabo, aho yasuye inzu imwe ifasha imiryango itishoboye ikorera muri ako gace, maze iyigezaho inkunga itandukanye igamije guteza imbere imibereho myiza y’abaturage.

Iki gikorwa cyitabiriwe n’abayobozi b’ikipe, abafatanyabikorwa ndetse n’abakunzi bayo baturutse mu bice bitandukanye, bose bazanye ubutumwa bwo gusangira ibyishimo n’abaturage bo muri Gikomero.

Mu nkunga bagejeje kuri iyi miryango harimo ibiribwa, amashyiga ya kijyambere n’ibicanwa byayo, filitire ziyungurura amazi kugira ngo babone amazi meza, ndetse n’imipira yo gukina igamije gushishikariza urubyiruko gukora siporo no kwidagadura mu buryo buzima.

“Ibyishimo tugomba kubisangira n’abandi” — Angel Mutabaruka

Mu ijambo rye, Angel Mutabaruka, Umuyobozi Mukuru w’abakunzi ba GASOGI UNITED FC ku isi, yashimangiye ko muri gahunda z’iyi kipe harimo gushyira imbere ibyishimo n’ubufatanye n’abaturage:

“Mu ntego zacu harimo ibyishimo. Ntitwagombaga kubyifungirana twenyine, niyo mpamvu twahisemo kubisangiza n’abaturage bo muri Gikomero kugira ngo bumve ko turi kumwe mu rugendo rwo kubaka ejo heza,” yavuze Mutabaruka.

  “Gufasha abatishoboye biri mu ntego za Gasogi United” — KNC Imfura y’iwacu

Perezida wa Gasogi United, Kakooza Nkuliza Charles (KNC) uzwi nka Imfura y’iwacu, nawe yagaragaje ko iki gikorwa kidashingiye ku kwerekana gusa ibikorwa, ahubwo ari igice cy’intego rusange z’ikipe yo gufasha abatishoboye no kuba hafi y’abaturage:

“Mu ntego za Gasogi United harimo gufasha abatishoboye. Ntabwo dushaka gusa kuba ikipe ikina umupira, ahubwo dushaka no kuba umuryango wubaka sosiyete ifite urukundo n’ubumwe,” yavuze KNC.

 Igikorwa gishimangira ishusho nziza ya Gasogi United

Iki gikorwa kije gikurikira izindi gahunda Gasogi United imaze iminsi ishyira imbere zirimo guteza imbere urubyiruko, ibikorwa by’ubukangurambaga ku isuku n’isukura, ndetse no gufasha mu iterambere ry’imiryango ibana n’ubukene.

Abaturage ba Gikomero bashimye cyane iki gikorwa, bavuga ko bibahaye icyizere n’akanyamuneza ko kumenya ko hari abantu babatekereza. Abenshi bavuze ko aya mashyiga ya kijyambere n’amafi litiro y’amazi bizabafasha kunoza imibereho yabo ya buri munsi.

GASOGI UNITED FC ikomeje kwerekana ko ari ikipe idaharanira intsinzi mu kibuga gusa, ahubwo ifite n’uruhare rukomeye mu guteza imbere sosiyete nyarwanda no kubaka ubumwe n’urukundo mu banyarwanda.

Comments

Post a Comment

Popular posts from this blog

Amwe mu mateka ya Nyabingi,izina ryamenyekanye cyane mu mateka y'u Rwanda.

Image
Iyi ni imwe mu ngoro za Nyabingi zikiriho.   Mu mateka y’u Rwanda havugwamo amazina menshi  mu buryo butandukanye, ariko izina rya Nyabingi riruta menshi mu kumenyekana n’inkuru zigenda zivugwaho. N’ubwo uyu murimo wagiye uzwi cyane mu migenzo yo guterekera, amateka agaragaza ko izina rye ry’ukuri mu Kinyarwanda ari Nyabyinshi , riboneye ryerekana “ufite ubutunzi cyangwa umugisha mwinshi”. Amateka y’uyu mukobwa akomeza kuvuga ko yavukanye na Ruganzu II Ndoli , bombi bana ba Ndahiro II Cyamatare , mu gihe cy’uduce tw’icyami twari tukiganje. Umwaka nyawo w’igihe batangiye kubaho ntuzwi neza, ariko ibisekuru byagiye byandika amateka byemeza ko yabayeho hagati y’imyaka yo hambere, mu bihe byo hagati ya 1600 na 1800. Uko izina Nyabingi ryamamaye Bivugwa ko ababyeyi ba Nyabingi ari bo bamwise izina rye ry’ukuri, ariko uko imyaka yagiye ihita rikomera ku buryo rihuzwa n’ubutunzi, umugisha n’imbaraga zidasanzwe. Abaturage bo mu gace ka Ndorwa bamubonagamo umuntu w’igitangaza, bit...
Read more

Rulindo: Umunsi Mpuzamahanga Wahariwe Mwarimu ku rwego rw'Akarere Wizihirijwe mu Murenge wa Buyoga.

Image
Mu Karere ka Rulindo , kuri uyu wa 12/12/2025 kimwe n'ahandi hose mu gihugu,  Umunsi Mpuzamahanga wahariwe Umwarimu , wizihirijwe ku runge rw'amashuri rwa  GS Muyanza mu Murenge wa Buyoga , ari nawo wazihije uyu munsi mu rwego rwo hejuru kubera gutunganya neza ibikorwa by’uyu mwaka mu byiciro bitandukanye. Umushyitsi mukuru wari witabiriye ibi birori ni MUKANYIRIGIRA Judith , Umuyobozi w’Akarere ka Rulindo. Hari kandi abashinzwe uburezi ku rwego rw’Akarere n’Imirenge, umuyobozi mukuru wa Polisi ukorera muri Buyoga, abayobozi b’ibigo by’amashuri hamwe n’ababungirije, abahagarariye imiryango itegamiye kuri Leta, ndetse n’abarimu bo mu Murenge wa Buyoga bari baje kwizihiza umunsi wabo. Umukino wahuje w'intoki wahuje abarimu hagati yabo. Ibirori byatangijwe n’umukino w’intoki wahuje abarimu, ugamije kubashimisha no kubafasha kurushaho kwegerana. Insanganyamatsiko y’uyu mwaka Insanganyamatsiko y’uyu mwaka iragira iti: “Umwuga w'Uburezi Usaba Ubufatanye.” Abatanze ubutu...
Read more

REB Announcement on English Language Training Program for School Leaders and Teachers.

Image
  The Rwanda Basic Education Board has released an announcement aimed at encouraging school leaders and teachers to participate in a new training program focused on strengthening English language skills and communication methods in their daily work. This training program aims to help education professionals improve their use of the English language, especially in teaching and school management. As is commonly emphasized in the education sector, the language used in delivering lessons plays a key role in clearly conveying knowledge to students. Purpose of the Training As Rwanda continues to strengthen quality education, improving English language skills among teachers and school leaders is considered an important step. This helps teachers deliver lessons more clearly, enabling students to acquire quality knowledge that meets international standards. The training will mainly focus on improving communication in English, helping teachers gain confidence in using the language in...
Read more