Abarimu batize uburezi kuri uyu wa 19 Ukwakira 2025 basoje amahugurwa y’icyiciro cya kabiri''Special Program of Uncertified Teachers'' mu gihugu hose.


Kuri uyu wa 19 Ukwakira 2025 Mu gihugu hose hasojwe amahugurwa y’abarimu batize uburezi, icyiciro cya kabiri (Wave 2) cy’iyi gahunda uzwi yiswe “Special Program of Uncertified Teachers”, igamije gufasha abarimu batize uburezi kubona ubumenyi n’ubushobozi bibemerera gukora umurimo wo kwigisha ku rwego rwisumbuye kandi mu buryo buhamye.

Aya mahugurwa yasojwe kuri uyu wa 19 Ukwakira 2025, aho abarimu barenga ibihumbi 24 (24,000) baturutse hirya no hino mu gihugu bari bayitabiriye. Uyu mushinga wateguwe na Minisiteri y’Uburezi ku bufatanye n’inzego zinyuranye zifite aho zihuriye n’uburezi, ukaba wibanda ku barimu bari bamaze igihe bigisha ariko batigeze biga uburezi ku buryo bweruye.

Icyiciro cya mbere (Wave 1) cy’aya mahugurwa cyari cyarasoje mu ntangiriro z’uyu mwaka wa 2025, ariko kugeza ubu abarimu bakitabiriyebakaba batarahabwa impamyabushobozi (certificates) zabo. Minisiteri y’Uburezi yatangaje ko izo mpamyabushobozi ziri gutunganywa, kandi zizatangwa mu gihe cya vuba kugira ngo abo abarimu nabo babashe kwemezwa ku mugaragaro nk’abarimu b'abanyamwuga  bujuje ibisabwa.

Mu myaka yashize, Guverinoma y’u Rwanda yari yemereye abantu batize uburezi ariko bafite ubumenyi mu masomo runaka kwinjira mu mwuga w’ubwarimu, mu rwego rwo kuziba icyuho cy’abarimu bari bake mu mashuri. Ariko icyo cyemezo cyaje kuvugururwa, hanzurwa ko buri mwarimu agomba kuba afite ubumenyi n’impamyabushobozi iboneye kugira ngo umwana w’Umunyarwanda ahabwe uburezi bufite ireme. Ni muri urwo rwego hashyizweho gahunda y’amahugurwa yihariye ku barimu batize uburezi, kugira ngo bahabwe ubumenyi bw’ingenzi bubafasha gukora umurimo wabo neza.

Nubwo iyi gahunda yibanze ku barimu bo mu mashuri abanza, hari n’abigisha mu mashuri yisumbuye batize uburezi, nabo biteganyijwe ko bazahabwa amahugurwa nk’aya mu bihe biri imbere. Ibi bizafasha kunoza ireme ry’uburezi no kongerera abarimu ubushobozi bwo kwigisha mu buryo bugezweho, bujyanye n’impinduka ziri kuba mu burezi bw’iki gihe.

Uretse kongera ubumenyi, aya mahugurwa ateganya gutanga impamyabushobozi zizafasha aba barimu kugira uburenganzira busesuye mu mwuga w’ubwarimu, harimo no kongera amahirwe yo kuzamurwa mu ntera no kugirirwa icyizere mu bigo by’amashuri bigishaho.

Gahunda yo guhugura abarimu batize uburezi ni imwe mu ngamba zifatika Leta y’u Rwanda yashyizeho mu rwego rwo guteza imbere umwuga w’ubwarimu no kongera ireme ry’uburezi, hagamijwe kurera Abanyarwanda bafite ubumenyi n’ubushobozi bwo guhangana n’ibihe biri imbere.

Comments

Post a Comment

Popular posts from this blog

Amwe mu mateka ya Nyabingi,izina ryamenyekanye cyane mu mateka y'u Rwanda.

Image
Iyi ni imwe mu ngoro za Nyabingi zikiriho.   Mu mateka y’u Rwanda havugwamo amazina menshi  mu buryo butandukanye, ariko izina rya Nyabingi riruta menshi mu kumenyekana n’inkuru zigenda zivugwaho. N’ubwo uyu murimo wagiye uzwi cyane mu migenzo yo guterekera, amateka agaragaza ko izina rye ry’ukuri mu Kinyarwanda ari Nyabyinshi , riboneye ryerekana “ufite ubutunzi cyangwa umugisha mwinshi”. Amateka y’uyu mukobwa akomeza kuvuga ko yavukanye na Ruganzu II Ndoli , bombi bana ba Ndahiro II Cyamatare , mu gihe cy’uduce tw’icyami twari tukiganje. Umwaka nyawo w’igihe batangiye kubaho ntuzwi neza, ariko ibisekuru byagiye byandika amateka byemeza ko yabayeho hagati y’imyaka yo hambere, mu bihe byo hagati ya 1600 na 1800. Uko izina Nyabingi ryamamaye Bivugwa ko ababyeyi ba Nyabingi ari bo bamwise izina rye ry’ukuri, ariko uko imyaka yagiye ihita rikomera ku buryo rihuzwa n’ubutunzi, umugisha n’imbaraga zidasanzwe. Abaturage bo mu gace ka Ndorwa bamubonagamo umuntu w’igitangaza, bit...
Read more

Rulindo: Umunsi Mpuzamahanga Wahariwe Mwarimu ku rwego rw'Akarere Wizihirijwe mu Murenge wa Buyoga.

Image
Mu Karere ka Rulindo , kuri uyu wa 12/12/2025 kimwe n'ahandi hose mu gihugu,  Umunsi Mpuzamahanga wahariwe Umwarimu , wizihirijwe ku runge rw'amashuri rwa  GS Muyanza mu Murenge wa Buyoga , ari nawo wazihije uyu munsi mu rwego rwo hejuru kubera gutunganya neza ibikorwa by’uyu mwaka mu byiciro bitandukanye. Umushyitsi mukuru wari witabiriye ibi birori ni MUKANYIRIGIRA Judith , Umuyobozi w’Akarere ka Rulindo. Hari kandi abashinzwe uburezi ku rwego rw’Akarere n’Imirenge, umuyobozi mukuru wa Polisi ukorera muri Buyoga, abayobozi b’ibigo by’amashuri hamwe n’ababungirije, abahagarariye imiryango itegamiye kuri Leta, ndetse n’abarimu bo mu Murenge wa Buyoga bari baje kwizihiza umunsi wabo. Umukino wahuje w'intoki wahuje abarimu hagati yabo. Ibirori byatangijwe n’umukino w’intoki wahuje abarimu, ugamije kubashimisha no kubafasha kurushaho kwegerana. Insanganyamatsiko y’uyu mwaka Insanganyamatsiko y’uyu mwaka iragira iti: “Umwuga w'Uburezi Usaba Ubufatanye.” Abatanze ubutu...
Read more

REB Announcement on English Language Training Program for School Leaders and Teachers.

Image
  The Rwanda Basic Education Board has released an announcement aimed at encouraging school leaders and teachers to participate in a new training program focused on strengthening English language skills and communication methods in their daily work. This training program aims to help education professionals improve their use of the English language, especially in teaching and school management. As is commonly emphasized in the education sector, the language used in delivering lessons plays a key role in clearly conveying knowledge to students. Purpose of the Training As Rwanda continues to strengthen quality education, improving English language skills among teachers and school leaders is considered an important step. This helps teachers deliver lessons more clearly, enabling students to acquire quality knowledge that meets international standards. The training will mainly focus on improving communication in English, helping teachers gain confidence in using the language in...
Read more