Minisiteri y'Uburezi igiye gushora akayabo ka miliyari 32 Rwf mu guhugura Abarimu ukuba intyoza mu rurimi rw'icyongereza.

 


Minisiteri y’Uburezi (MINEDUC) yatangije gahunda nshya yo gushora miliyari 32 Frw mu bikorwa bigamije gufasha abarimu b’u Rwanda kuba abahanga mu Cyongereza. Uyu mushinga, uzwi nka Rwanda Quality Basic Education for Human Capital Development Project (RQBE), ugamije kongerera abarimu ubushobozi no kuzamura ireme ry’uburezi mu gihugu.

Hashize imyaka 15 u Rwanda rufashe icyemezo cyo kwigisha hifashishijwe Icyongereza, ariko kugeza ubu abarimu benshi baracyahura n’imbogamizi mu kurikoresha neza. Raporo yagaragajwe mu rwego rwo gusuzuma ireme ry’uburezi yerekanye ko abarimu 4% gusa bo mu mashuri abanza ari bo bafite ubumenyi buhagije mu Cyongereza, mu gihe abo mu mashuri yisumbuye n’ay’imyuga bafite ubushobozi ku kigero cya 38%.

Uyu mushinga watangiye gushyirwa mu bikorwa mu 2025 binyuze mu Kigo cy’Igihugu gishinzwe Uburezi bw’Ibanze (REB). Abarimu bazajya bahabwa amahugurwa y’Icyongereza ariko bakomeza no gukora akazi kabo ka buri munsi.

Dr. Mutezigaju Flora, Umuyobozi Mukuru Wungirije wa REB, yavuze ko iki cyuho cy’ubumenyi mu Cyongereza ari kimwe mu byatumye uyu mushinga ushyirwaho. Yagize ati:
“Intego ni uko abarimu bo mu mashuri abanza bazamuka bava kuri 4% bafite ubumenyi mu 2023/2024 bakagera kuri 90%. Abo mu mashuri yisumbuye na bo bakava kuri 38% bakagera kuri 75% mu 2028/2029. Icyo gihe tuzaba twamaze kugera ku ntego ya 95%.”

Ku wa 13 Gicurasi 2025, MINEDUC binyuze muri REB yashyize umukono ku masezerano na Education First (EF), ikigo mpuzamahanga cyigisha Icyongereza. Byari bigamije gutangira amahugurwa y’imyaka ibiri azahugura abarimu ibihumbi 38 mu byiciro byose by’uburezi. Muri bo harimo abarimu 2.537 bo mu mashuri y’incuke, 15.628 bo mu cyiciro cya mbere cy’amashuri abanza, 9.836 bo mu cyiciro cya kabiri cy’amashuri abanza, n’abarimu 9.999 bo mu mashuri yisumbuye.

Dr. Mutezigaju yasobanuye ko nubwo haherewe kuri ibyo byiciro, intego ari uko abarimu bose bazaba barahawe aya mahugurwa bitarenze 2025, kugira ngo uburezi bw’u Rwanda burusheho kugira ireme.

Ibi kandi bijyana n’iteka rya Minisitiri w’Intebe ryasohotse ku wa 12 Ugushyingo 2024 rigena sitati yihariye igenga abakozi b’uburezi bw’ibanze. Iryo teka riteganya ko buri mukandida ushaka kuba umwarimu agomba gukora ikizamini cy’akazi mu Cyongereza nk’ururimi rwigishwamo. Ingingo ya 10 yaryo ivuga ko “Umukandida w’umwarimu akora kandi ikizamini cy’Icyongereza nk’ururimi rukoreshwa mu burezi. Umukandida utsinzwe ntahabwa akazi.”

Bivuze ko uyu mushinga wo guhugura abarimu uzaba ingenzi cyane, kuko uzafasha abashaka kwinjira mu mwuga w’uburezi no guharanira ko abanyeshuri bigishwa n’abarimu bafite ubumenyi bukwiye mu rurimi mpuzamahanga rw’akazi.

Comments

Post a Comment

Popular posts from this blog

Amwe mu mateka ya Nyabingi,izina ryamenyekanye cyane mu mateka y'u Rwanda.

Image
Iyi ni imwe mu ngoro za Nyabingi zikiriho.   Mu mateka y’u Rwanda havugwamo amazina menshi  mu buryo butandukanye, ariko izina rya Nyabingi riruta menshi mu kumenyekana n’inkuru zigenda zivugwaho. N’ubwo uyu murimo wagiye uzwi cyane mu migenzo yo guterekera, amateka agaragaza ko izina rye ry’ukuri mu Kinyarwanda ari Nyabyinshi , riboneye ryerekana “ufite ubutunzi cyangwa umugisha mwinshi”. Amateka y’uyu mukobwa akomeza kuvuga ko yavukanye na Ruganzu II Ndoli , bombi bana ba Ndahiro II Cyamatare , mu gihe cy’uduce tw’icyami twari tukiganje. Umwaka nyawo w’igihe batangiye kubaho ntuzwi neza, ariko ibisekuru byagiye byandika amateka byemeza ko yabayeho hagati y’imyaka yo hambere, mu bihe byo hagati ya 1600 na 1800. Uko izina Nyabingi ryamamaye Bivugwa ko ababyeyi ba Nyabingi ari bo bamwise izina rye ry’ukuri, ariko uko imyaka yagiye ihita rikomera ku buryo rihuzwa n’ubutunzi, umugisha n’imbaraga zidasanzwe. Abaturage bo mu gace ka Ndorwa bamubonagamo umuntu w’igitangaza, bit...
Read more

Rulindo: Umunsi Mpuzamahanga Wahariwe Mwarimu ku rwego rw'Akarere Wizihirijwe mu Murenge wa Buyoga.

Image
Mu Karere ka Rulindo , kuri uyu wa 12/12/2025 kimwe n'ahandi hose mu gihugu,  Umunsi Mpuzamahanga wahariwe Umwarimu , wizihirijwe ku runge rw'amashuri rwa  GS Muyanza mu Murenge wa Buyoga , ari nawo wazihije uyu munsi mu rwego rwo hejuru kubera gutunganya neza ibikorwa by’uyu mwaka mu byiciro bitandukanye. Umushyitsi mukuru wari witabiriye ibi birori ni MUKANYIRIGIRA Judith , Umuyobozi w’Akarere ka Rulindo. Hari kandi abashinzwe uburezi ku rwego rw’Akarere n’Imirenge, umuyobozi mukuru wa Polisi ukorera muri Buyoga, abayobozi b’ibigo by’amashuri hamwe n’ababungirije, abahagarariye imiryango itegamiye kuri Leta, ndetse n’abarimu bo mu Murenge wa Buyoga bari baje kwizihiza umunsi wabo. Umukino wahuje w'intoki wahuje abarimu hagati yabo. Ibirori byatangijwe n’umukino w’intoki wahuje abarimu, ugamije kubashimisha no kubafasha kurushaho kwegerana. Insanganyamatsiko y’uyu mwaka Insanganyamatsiko y’uyu mwaka iragira iti: “Umwuga w'Uburezi Usaba Ubufatanye.” Abatanze ubutu...
Read more

REB Announcement on English Language Training Program for School Leaders and Teachers.

Image
  The Rwanda Basic Education Board has released an announcement aimed at encouraging school leaders and teachers to participate in a new training program focused on strengthening English language skills and communication methods in their daily work. This training program aims to help education professionals improve their use of the English language, especially in teaching and school management. As is commonly emphasized in the education sector, the language used in delivering lessons plays a key role in clearly conveying knowledge to students. Purpose of the Training As Rwanda continues to strengthen quality education, improving English language skills among teachers and school leaders is considered an important step. This helps teachers deliver lessons more clearly, enabling students to acquire quality knowledge that meets international standards. The training will mainly focus on improving communication in English, helping teachers gain confidence in using the language in...
Read more